ବେଙ୍ଗାଲୁରୁରେ ମିଳିଲା କରୋନାର ନୂଆ ଭାରିଆଣ୍ଟ ଏରିସ୍

କରୋନା ଭାଇରସକୁ ନେଇ ପୁଣି ଚିନ୍ତା ବଢ଼ିବାରେ ଲାଗିଛି । ବ୍ରିଟେନ ଏବଂ ଆମେରିକାରେ କୋଭିଡର ଗ୍ରାଫ ବୃଦ୍ଧି ପାଇବାରେ ଲାଗିଛି । ବ୍ରିଟେନରେ କୋଭିଡର ଏରିସ୍ ଭାରିଆଣ୍ଟ ଯୋଗୁଁ ଭାଇରସ୍ ମାମଲା ବଢ଼ିବାରେ ଲାଗିଛି ।କିଛି ମାସ ପୂର୍ବରୁ ମହାରାଷ୍ଟ୍ରରେ ଏରିସର ଏକ ମାମଲା ପଞ୍ଜୀକୃତ ହୋଇଥିଲା, କିନ୍ତୁ ଏବେ ବେଙ୍ଗାଲୁରୁରେ ମଧ୍ୟ ଏହି ଷ୍ଟ୍ରେନର ମାମଲା ସାମ୍ନାକୁ ଆସିଛି । ଇଣ୍ଡିଆନ୍ ସାର୍ସ କୋଭ୍-ଜେନୋମିକ୍ସ କନ୍ସୋର୍ଟିଆ (ଆଇଏନଏସଏସିଓଜି) ଅନୁଯାୟୀ, ମହାରାଷ୍ଟ୍ର ଏବଂ ବେଙ୍ଗାଲୁରୁରୁ ଏରିସ୍ ମାମଲା ରିପୋର୍ଟ ହୋଇଛି । ତେବେ ଏହି ଷ୍ଟ୍ରେନ୍ କ୍ଷେତ୍ରରେ କୌଣସି ବୃଦ୍ଧି ଦେଖାଯାଇ ନାହିଁ । ବର୍ତ୍ତମାନ ଦେଶରେ କେବଳ ଓମିକ୍ରନ୍ ମାମଲା ଆସୁଛି, କିନ୍ତୁ ଏରିସର ବଢ଼ୁଥିବା ମାମଲା ଚିନ୍ତା ବଢ଼ାଇଛି ।